Gidagsa sa liboan ka mananan-aw ang dakbayan sa Malaybalay aron saksihan ang engrandeng pasundayag sa Kaamulan Festival 2026 Street Dancing, Float Competition, ug ang sagradong Parade sa pito (7) ka tribu.
Opisyal nga gisugdan ang kalihokan sa sayo kabuntagon takma mga alas-3:00 kadlawon diin sayo pa lamang nangandam ug nag-atang na ang publiko alang sa gihulatan nga pasundayag sa siyam ka contingents gikan sa nagkalain-laing dapit sa lalawigan, lakip na ang Valencia City, Malaybalay City, Manolo Fortich, Cabanglasan, San Fernando ug uban pang mga lungsod.
Subay niini, gipaambit sa usa ka miyembro gikan sa mga contingent sa Valencia City ang iyang excitement sa kompetesiyon Santana gisaysay ang Kashi sa hugot nga pagbansay alang sa tinguha nga maangkon ang kampyonato.
Sa tunga sa mapabulukong nga pagpakita sa kultura sa mga tribung Higaonon, Bukidnon, Talaandig, Matigsalug, Tigwahanon, Manobo, ug Umayamnon, nahimong sentro usab sa atensyon ang mas pinalig-on nga kaandam ug hugot nga pagbantay sa Bukidnon Police Provincial Office.
Ubos sa lig-on nga pagpanguna ni Oliver Sotto Navales, gisiguro sa kapulisan ang usa ka zero-incident nga selebrasyon pinaagi sa estratehikong pagdeploy sa mga pulis ug hugot nga seguridad, lakip na ang suporta ni Christopher N. Abrahano, Regional Director sa Police Regional Office 10, nga nagpadala og igo nga pwersa aron masiguro ang kaluwasan sa tibuok kasaulogan.
Dugang pa niini nga ang maong lebel sa seguridad nakahatag og dakong kasigurohan sa daghang turista ug lokal nga residente nga misalmot sa labing mahinungdanon nga bahin sa selebrasyon—gikan sa sayong kabuntagon hangtod sa pagtapos sa mga engrandeng presentasyon—samtang ilang gisaksihan ang kadato sa kultura sa mga lumad nga tribu sa Bukidnon.