Kabsan ang kinabuhi ang driver sa motosiklo sa nahitabong vehicular accident niadtong milabayng, takna alas 6:55 sa gabii sa Purok 2, Cogo, Barangay Maca-opao, KalilanganGimanehoan ang Honda XRM 125 nga motorsiklo, kolor itom, nagdala sa Plate No. 710KYA, sa usa lalaki, 45 anyos, minyo, ug residente sa maong lugar nga walay driver’s license ug mga dokumento o pruweba sa pagpanag-iya sa maong motorsiklo.
Samtang ang Kubota nga traktor, giparking nga walay warning device gimaneho sa lalaki nga anaa sa hustong edad, residente sa usab sa Barangay Maca-opao, sa nahisgutang lungsod.
Sa inisyal nga imbestigasyon nasayran nga ang motorsiklo nagsubay sa Kalilangan–Maca-opao Road, gikan sa amihanan ngadto sa habagatan nga direksiyon paingon sa Barangay Maca-opao, Kalilangan dihang pag-abot sa ngitngit nga bahin sa karsada sa nahisgutang dapit sa insidente, ang maong motorsiklo giingong niliko sa gawas nga lane, nawad-an og kontrol, ug sa kataposan nabangga sa luyong bahin sa giparking nga tractor.
Tungod niini, nakaangkon og dakong kadaot ang motorsiklo, samtang ang driver nakaangkon og grabeng samad sa iyang ulo ug ubang parte sa lawas hinungdan sa hinanaling kamatayon niini.