Pormal nang nakabalik sa ilang mga komunidad ang mga kanhi rebelde human nakalampos sa deradicalization program sa Impasug-ong, Bukidnon.
Kini nga inisyatiba gipasiugdahan sa lokal nga kagamhanan, militar, ug kapulisan aron masiguro ang malungtarong kalinaw sa probinsya.
Hugot usab ang suporta sa mga opisyal sa barangay alang sa malampusong pagbag-o sa kinabuhi sa mga nahisgutan.
Tumong niini nga mamahimo silang produktibong lungsoranon ug makatampo sa kalambuan sa ilang dapit.
Isip kabahin sa reintegration package, nanghatag ang LGU sa Impasug-ong og mga food packs, farming starter kits, pinansyal nga tabang, ug tag-usa ka baktin alang sa matag kanhi rebelde.
Tumong niini nga masuportahan ang ilang panginabuhian ug mapalig-on ang ilang ekonomikanhong kahimtang sa taas nga panahon.
Gipasalig usab sa 8th Infantry “Dependable” Battalion, sa pagpangulo ni Lieutenant Colonel George R. Jallorina, ang padayong dedikasyon sa ilang yunit sa pagpasiugda og mga inisyatiba alang sa kalinaw ug sa pagpalawom sa relasyon ngadto sa mga lokal nga stakeholders.