Malipayong gipahibalo sa Filipino girl group nga 4th Impact ang ilang rebranding isip “4Sisters.” Kini nga kausaban nagtumong sa paghatag og bili sa ilang panag-uban isip managsoon ug ang ilang tinguha nga magpadayon sa paghimo og musika isip usa ka pamilya. Sa ilang post sa Instagram niadtong Abril 12, gipasabot sa grupo nga ang bag-ong ngalan nagpakita sa ilang tinuod nga pagkatawo isip managsuong Almira, Irene, Mylene, ug Celina Cercado.
Matod nila, bisan pa man sa daghang ngalan nga ilang gigamit sa lain-laing lakang sa ilang karera—sama sa Cercado Sisters, Gollayan Sisters, MICA, 4th Power, ug 4th Impact—ang matag usa niini adunay mahinungdanong bahin sa ilang panaw sa industriya sa musika.
Gipasabot usab sa grupo nga ang “4Sisters” nagrepresentar sa ilang tinuod nga kinabuhi sa gawas sa entablado ug dili lang isip mga performers. Gusto nila nga mobalik sa sinugdanan diin wala’y pressure o sobra nga expectations, kondili puro lang gugma alang sa musika ug alang sa ilang pamilya.