Hugot nga gibarogan sa Department of the Interior and Local Government (DILG) nga padayon ang estriktong implementasyon sa mga ordinansa ubos sa Safer Cities Initiatives luyo sa pipila ka mga reklamo ug mga kritisismo gikan sa mga human rights advocates.
Matud pa ni Department of the Interior and Local Government (DILG) Secretary Juanito Victor ‘Jonvic’ Remulla samtang nagpadayon ang pagpatuman niini, gikatakda usab nga ipailalom sa pagsusi ang polisiya alang sa mas hapsay nga implementasyon.
Lakip sa hisgutan mao ang paghatag og konsiderasyon sa mga trabahante nga maabtan nga walay pang-taas nga sinina sa kadalanan ug uban pa nga hisgutan sa maong pagsusi.
Sa laing bahin, lakip usab nga susihon ang datos sa mga natala nga krimen karong bulana sa Abril 2026 ug ikompara kini sa mga natala nga datos gikan sa tuig 2024 ug 2025.