Gitutokan sa Kamara ang pagpasar sa mga balaodnon nga nagtumong sa pagtubag sa krisis sa enerhiya ug sa walay hunong nga pagsaka sa presyo sa lana sa nasud.
Matud pa ni House Speaker Faustino Dy III, target sa Kamara nga mamahimong andam na ang maong mga lakang sa pagbalik sa sesyon karong Mayo 4.
Kini nga inisyatiba gipangunahan sa LEAD Council, usa ka grupo sa mga komite nga gitahasan sa paghimo og dinalian nga tabang ug malungtarong reporma taliwala sa nagkagrabe nga tensyon sa Middle East nga nakaapekto sa suplay sa lana
Gipadayag usab ni Marikina Representative Miro Quimbo nga bisan kon anaa sa break ang Kongreso, nagpadayon ang pagpaningkamot aron masiguro nga aduna nay konkretong solusyon sa higayon nga moabli na ang sesyon.
Lakip sa mga prayoridad sa maong mga panukala mao ang paghatag og suporta sa mga electric vehicles ug uban pang alternatibong tinubdan sa enerhiya imbes nga fossil fuels.
Gitinguha usab sa mga mambabatas ang paghatag og mga insentibo sa pribadong sektor aron madani ang dugang puhunan nga makapalig-on sa sektor sa enerhiya sa tibuok Pilipinas.