Israel, miuyon na usab sa ceasefire deal tali sa Iran – White House

Gikumpirma sa usa ka opisyal gikan sa White House nga misugot na ang Israel sa ceasefire deal tali sa Estados Unidos ug Iran.

Kini nahitabo human sa unom ka semana nga panagsangka didto sa Middle East. Hinuon, wala dayon mipagawas og komento ang bahin sa Israel human gianunsyo ang maong tigil-putukan sa Iran.

Nasayran nga milusad pa og pag-atake ang Israel sa nasud sa Lebanon isip balos sa gipauwan nga rocket sa Hezbollah, nga kaalyado sa Iran. Miresulta ang maong engkwentro sa pagkamatay sa kapin 1,500 ka indibidwal, sumala pa sa mga otoridad sa Lebanon.

Una nang gikumpirma sa Pakistan, nga nagsilbing mediator, nga nagkasabot ang Amerika, Iran, ug ang ilang mga kaalyado alang sa usa ka tibuok nga tigil-putukan, lakip na ang dapit sa Lebanon.