Formal nga gihatagan og gibug-aton sa Office of the Ombudsman ang imbestigasyon may kalabutan sa gipasaka nga ‘plunder case’ batok sa pipila ka mga inilang magbabalaod sa nasud.
Matud pa ni Justice Secretary Jesus Crispin ‘Boying’ Remulla, gipaniguro nga walay ‘sacred cows’ o protektado niining maong lakang sa gobyerno.
Ang maong kaso gumikan sa giingong anomalya sa pipila ka mga infrastructure projects, partikular na ang mga flood control projects ug uban pang mga pundo nga wala magamit sa saktong paagi.
Si kanhi Speaker Martin Romualdez ug Senador Chiz Escudero mao ang sentro niini nga pasangil.
Sa pikas bahin, ang kampo ni Romualdez ug Escudero wala pa mohatag og pormal nga tubag apan kaniadto pa nanindigan nga andam nga moatubang sa bisan unsang imbestigasyon aron malimpyohan ang ilang mga ngalan.
Sa pagkakaron, gipaabot ang dugang nga mga ebidensya ug dokumento nga isumite sa Ombudsman aron hingpit nga mapatigbabaw ang kamatuoran niining maong kontrobersiya.