Laing bigtime oil price hike, la-uman na usab karong Martes

Gikatakda nga magpatuman ang mga kompanya sa lana og bag-ong pagsaka sa presyo sa mga produktong petrolyo sa sunod semana.

Posibleng mosaka og P17 hangtod P20 kada litro ang diesel samtang P4 hangtod P7 ang lauman nga pagsaka sa gasolina.

Sa kerosene, gibanabana nga mosaka og P9 hangtod P12 kada litro.

Kini inisyal pa lamang nga pag-estimate ug ang opisyal nga price adjustment ipahibalo sa Lunes, Abril 6 ug ipatuman sa Martes, Abril 7.

Posible usab nga mausab ang presyo depende sa lihok sa presyo sa lana sa kalibutanong merkado.