Presyo sa diesel posibleng mosaka sa ₱170 kada litro sunod semana

Giplano sa mga kompanya sa lana ang pagtaas sa presyo sa mga produktong petrolyo sunod semana.

Ang diesel posibleng mosaka og P17 hangtod P20 kada litro, samtang ang gasolina posibleng motaas og P4 hangtod P7 kada litro.

Ang kerosene, gibanabana ang pagsaka og P9 hangtod P12 kada litro.

Posible nga mosaka ang presyo sa diesel ngadto sa ₱170 kada litro sunod semana, samtang padayon nga nagsaka ang global nga presyo sa lana, tungod sa padayon nga gubat sa Middle East.

Kini pa lamang ang inisyal nga estimate, ug ang opisyal nga anunsyo sa price adjustment ipahibalo sa karong Lunes, Abril 6, ug ipatuman sa Martes, Abril 7.

Posible usab nga mausab ang presyo depende sa lihok sa presyo sa lana sa internasyonal nga merkado.