Gilamoy sa dakong sunog ang usa ka panimalay sa Purok 5, Barangay Tankulan, dakbayan sa Manolo Fortich, Bukidnon, nga gipanag-iyahan sa giilang Leonarda.
Sumala sa inisyal nga impormasyon, gikataho nga nagsugod ang kalayo sa ikaduha nga andana sa balay.
Sumala pa sa mga residenti, dali kining narespondehan sa mga bombero sa BFP–Manolo Fortich tungod atbang lamang kini mismo sa istasyon.
Sulod sa kapin usa ka oras, gideklarang fireout ang maong sunog bandang alas 7 sa buntag diin napugngan ang pagkaylap niini sa kasikbit nga kabalayan.
Gibanabanaang labing menos sa P94,500.00 ang damyos sumala pa sa talaan.
Samtang, walay natala nga casualty sa nahitabong sunog. Sa karon, kasamtangang gapadayon ang imbestigasyon sa BFP aron masuta ang posibleng hinungdan sa sunog.