Sikop ang duha ka residente sa Quezon, Bukidnon sa gipahigayon nga checkpoint human nakwaan og smuggled nga sigarilyo sa P-6, Brgy. Palacapao, Quezon.
Ang operasyon gipangunahan sa mga personahe sa Quezon Municipal Police Station.
Sumala sa mga otoridad, ang checkpoint miresulta sa pagkakumpiska sa 145 ka reams nga sigarilyo gikan sa nagkalain-laing brand nga gibana-banaang mibalor sa P116,000.00.
Ang mga nadakpan nga suspek, lakip ang mga sakyanan ug mga nakumpiskang butang, gidala sa Quezon MPS alang sa tukmang disposasyon.
Nagpadayon ang mga otoridad sa ilang operasyon aron supakon ang mga ilegal nga aktibidad sama sa smuggling sa mga kontrabando sa lugar.
Giawhag ang mga lokal nga residente nga magmatngon ug magtinabangay sa mga otoridad aron mapadayon ang kalinaw ug kaluwasan sa komunidad.