Mihimo og kasaysayan sa NBA ang rookie sa Dallas Mavericks nga si Cooper Flagg human siya nahimong pinakabata nga magduduwa sa liga nga nakatala og 50 puntos sa usa ka dula.
Sa edad nga 19 anyos, nimugna si Flagg og 51 puntos, uban ang unom ka rebounds, tulo ka assists, ug tulo ka steals, bisan pa man napilde ang team batok sa Orlando Magic sa iskor nga 138-127.
Tungod niini, si Flagg ang nahimong ika-siyam nga rookie sa kasaysayan sa NBA nga nakapuntos og 50 o labaw pa, diin kauban na niini sa listahan ang mga legend nga sila si Wilt Chamberlain, Rick Barry, Earl Monroe, Brandon Jennings, Elgin Baylor, Elvin Hayes, Kareem Abdul-Jabbar, ug Allen Iverson.
Sa wala pa kini nga dula, ang nag-una nga record ni Flagg mao ang 49 puntos, nga giila kaniadto nga pinakataas nga score para sa usa ka teenager sa wala pa kini nag-edad og 20 niadtong Disyembre 21.