Mitaas ang bayrunon sa insurance premiums para sa mga coal-fired power plants bisan pa man nga nag lisod ang pribadong sector ilabi na kadtong mga bag ong planta nga wala na apil sa moratorium.
Kana ang gikumperma ni Energy Secretary Raphael Lotilla. Saysay pa niini, misaka og dako ang insurance rates sa mga existing nga coal facilities tungod sa transition padulong sa limpyo nga enerhiya
Gipasabot sa DOE nga walay total ban sa coal development. Ang mga existing plants nga may expansion commitments padayon gihapon. Gipasiugda usab ni Lotilla nga nagsugod na og pakigpulong ang gobyerno sa insurance companies aron mapakunhod ang bayrunon.
Sa pagkakaron, 63% sa power supply gikan sa coal, samtang ang renewables mikabat pa lang og 22 porsyentos diin Tinguha sa gobyerno nga maabot ang 35% renewable share sa 2030.