Gipasalig sa Malacañang nga magpabiling lig-on ug walay kausaban ang presyo sa mga nag-unang palitonon sa nasud hangtod sa Abril 16, 2026.
Kini human sa malampusong pakig-alayon sa Department of Trade and Industry (DTI) ngadto sa mga dagkong manufacturers.
Matud pa ni Palace Press Officer Undersecretary Claire Castro nga kining maong kasabutan kabahin sa programang Unified Package for Livelihoods, Industry, Food, and Transport (UPLIFT) sa administrasyong Marcos Jr.
Gipakita usab ni Usec. Castro ang listahan sa mga produkto nga dili mopaumentar sa presyo.
Gipasalig sa gobyerno ang senemanang pag-monitor sa mga presyo pinaagi sa buhatan ni Secretary Cris Roque aron masiguro nga matuman ang kasabotan.
Magpadayon usab ang pakigpulong sa mga manufacturers aron mapugngan ang kalit nga pagsaka sa presyo sa mga palaliton.
Samtang giangkon ni Usec. Castro nga dako og epekto ang kagubot sa Middle East sa presyo sa lana ug uban pang mga produkto sa tibuok kalibutan.
Matud pa niini, nga buhaton sa gobyerno ang tanan aron dili bug-at ang epekto alang sa katawhan.