Iran, gitugotan ang 10 ka oil tanker nga moagi sa Strait of Hormuz

Gipahibalo ni US President Donald Trump nga gitugotan sa Iran ang 10 ka oil tanker nga makaagi sa Strait of Hormuz.

Matud ni Trump, ang maong lakang usa ka regalo ug timaan nga seryoso kini sa negosasyon aron tapuson ang gubat.

Dugang pa niini, nga ang Iran sa sinugdanan mitugot sa walo ka dagkong oil tanker nga makaagi.

Samtang duha pa ang nagsunod human sa paglabay sa walo.

Kahinumdoman nga padayon nga gipugos sa US ang Iran sa pagtubag sa peace deal aron hingpit na nga tapuson ang panagbangi sa Middle East.