Hingpit nga gitun-an ni Presidente Ferdinand Marcos Jr. ang posibilidad sa paggamit sa emergency powers aron mapakunhod ang excise tax sa mga produktong petrolyo.
Matud ni Palace Press Officer Under Secretary Claire Castro, bisan pa nga gilaumang pirmahan sa Presidente ang sugyot balaodnon, ang aktwal nga pagpatuman niini magdepende gihapon sa mga kondisyon nga gilatid sa balaod.
Gisertipikahan sa Pangulo nga urgent ang maong sugyot, apan gipasabot nga adunay kalahian ang papirma sa balaod ug ang implementasyon niini.
Lakip sa mga kondisyon mao ang kinahanglan nga moabot sa $80 kada bariles ang presyo sa lana sulod sa 30 ka adlaw, ug ang pagpatuman sa excise tax magdepende usab sa aktwal nga importasyon sa lana.
Tumong sa maong lakang nga mahatagan og balanse ang kita sa gobyerno ug ang panginahanglan sa katawhan nga mamenosan ang epekto sa taas nga presyo sa lana sa ilang adlaw-adlaw nga kinabuhi.