Misaka sa ika-30 nga pwesto sa FIBA World Rankings ang Gilas Pilipinas Women human mapildi ang Colombia, sa iskor nga 74-59, sa FIBA World Cup 2026 Qualifiers sa France.
Gikan sa No. 39, dako ang giambak sa Pinay cagers human sa unang pag-apil sa maong prestihiyosong global qualifying tournament.
Bisan kon napildi ang maong grupo batok sa mga beterano sa basketball sama sa France (No. 3), Germany (No. 12), Nigeria (No. 8), ug South Korea (No. 15), nakuha gihapon sa Gilas ang ikalimang pwesto.
Ang South Korea ug Nigeria ang nakasulod sa World Cup kauban ang France ug Germany.
Tungod niini, ang Gilas Women na ang highest-ranked team sa Southeast Asia ug ika-unom sa tibuok Asya, sunod lamang sa Australia, China, Japan, South Korea, ug New Zealand.