Lima ang patay sa kaylap nga airstrike sa Russia sa Ukraine

Mikalas og lima ka kinabuhi ang gipahigayon nga airstrike sa Russia sa nagkalain-laing bahin sa Ukraine. Sulod sa pipila ka oras, gipaulanan og bomba sa Russia ang nagkadaiyang rehiyon sa nasod, lakip na ang Kharkiv, diin usa ka 61-anyos nga babaye ang namatay human naigo sa drone ang usa ka electric train.

Gawas sa Kharkiv, duna usab mga nakalas gikan sa mga rehiyon sa Zaporizhzhia, Kherson, ug Poltava. Sumala sa mga awtoridad, kining malukpanon nga pagpamomba sa Russia nahitabo pipila ka adlaw human gianunsyo ni Ukrainian President Volodymyr Zelensky ang ilang pag-atake batok sa Russia.