Nakabsan sa kinabuhi ang usa ka menor de edad human panagbangga tali sa duha ka motorsiklo sa provincial road padulong sa Cagayan de Oro City, niadtong milabayng adlaw.
Sumala sa report, ang Honda XRM 125 nga gimanehoan sa 26 anyos nga lalaki, misobra sa kurbadang bahin sa dalan ug nabangga sa kasugat nga motorsiklo diin gimanehoan sa usa ka menor de edad.
Ang drayber ug ang babayeng angkas sa XRM 125 nakaangkon og mga samad ug gidala sa Northern Mindanao Medical Center, samtang ang menor de edad nga drayber gidala sa J.R. Borja General Hospital apan gideklarang dead on arrival.
Nasamdan usab ang angkas niini ug padayong nagpaalim sa balay tambalanan, samtang ang duha ka motorsiklo gihuptan sa Baungon MPS alang sa hustong disposisyon.