Nadawat ni Bise Presidente Sara Duterte ang imbitasyon sa House Committee on Justice nga motambong sa hearing karong Marso 25, 2026 kalabot sa duha ka impeachment complaints batok kaniya.
Matud sa abogado niini nga si Atty. Michael Poa, nagpaabot pa kini sa desisyon sa Bise Presidente kung motambong ba kini.
Gisiguro niini nga gihatagan kini og giya sa mga abogado niini sa bisan unsang desisyon.
Sumala ni Committee on Justice Chairperson Gerville Luistro, nga ang pagtambong ni Duterte alang sa pagtubag ang akusasyon apan desisyon gihapon kini sa Bise Presidente.
Dugang pa sa mambabalaod, nga ang dili pagtambong sa Bise Presidente makadugang sa kahigayonan nga mapadala ang kaso ngadto sa Senado alang sa pagdungog.
Sa samang higayon, giimbitar usab ang mga reklamante sa impeachment.