Gikatakdang libkason sa Department of Agriculture (DA) ang maximum suggested retail price (MSRP) sa baboy.
Sumala pa sa DA nga laraw nilang libkason ang gipatumang presyo samtang ginatun-an ang mas epektibong programa labot sa MSRP sumala pa ni Department of Agriculture Usec. for Livestock Constante Palabrica.
Kahinumdumang gipatuman ang P380 nga kilo sa liempo ug P350 kada kilo sa kasim ug pigue. Ang maong lakang matud pa nagtumong aron makatabang sa pagsiguro aron mapadayon ang industriya sa baboy sa nasud.
Sa rekord sa Philippine Statistics Authority, ang presyo sa karneng baboy miusbaw ngadto na sa 12.1% niadtong bulan sa Pebrero ning tuiga gumikan sa African swine fever nga dako og epekto matud pa sa pork supply chain sa Pilipinas rason nga ang MSRP gimugna aron makatabang sa pagpakunhod sa inflation sa karneng baboy.