Kabsan sa kinabuhi ang duha ka indibidwal samtang samaron ang uban pa sa tulo ka managlahing aksidente sa kadalan nga natigayon sa probinsya sa Bukidnon niadtong milabayng adlaw.
Sa lungsod sa Baungon, usa ka 20-anyos nga drayber sa motorsiklo ang namatay human mibangga sa usa ka konkreto nga flower box sa Purok-1, Imbatug human mawad-an og kontrol sa manibela.
Laing biktima usab ang gideklarang dead on arrival sa Valencia City human ang gisakyang motorsiklo nadumbolan sa luyo sa usa ka Sinotruk Tractor Head nga misulay og overtake sa National Highway.
Sa Lantapan, usa ka drayber usab sa motorsiklo ang naangol human masideswipe sa usa ka Isuzu truck diin gikaingong lango kini og ilimnong makahubog.
Ang drayber sa truck sa Valencia daling nisibat human sa hitabo apan malampusong nadakpan sa gipahigayong hot pursuit operation sa kapulisan.
Sa pagkakaron, ang tanang nalambigit nga mga sakyanan anaa na sa kustodiya sa kapulisan alang sa dugang imbestigasyon ug pagpasaka og tukmang kaso batok sa sad-an sa maong panghitabo.