Walo ang patay samtang dili moubos sa 25 ang samdan sa nahitabong panagbangga tali sa usa ka tren ug usa ka bus sa Asok-Din Daeng Road sa Bangkok, Thailand.
Ang maong trahedya miresulta sa usa ka dakong sunog nga milamoy sa pampasaherong bus ug ug mikaylap ngadto sa unom ka mga nakaparada nga awto ug duha ka motorsiklo nga naugdaw usab sa kilid sa dalan.
Sumala sa dugang mga report sa kapulisan duol sa Makkasan Station, ang maong cargo train kusog nga mibangga sa bus nga natanggong sa riles tungod sa kahuot sa trapiko bisan pa man nga aduna nay gipahimutang nga mga safety barrier.
Paspas nga miresponde ang kapin sa usa ka gatos ka rescue workers ug mga bombero nga malampusong miluwas ug mipagawas sa mga naapektuhang pasahero gikan sa nagdilaab nga mga sakyanan taliwala sa delikado nga mga gas leak.
Samtang si Deputy Transport Minister Siripong Angkasakulkiat mimando na og lawom nga imbestigasyon aron sayron ang saktong rason sa hitabo ug kon duna bay negligence sa bahin sa mga drayber.