Balhog sa bilangguan ang unom ka persona sa nagkadaiyang operasyon sa kapulisan sa Bukidnon niadtong niadtong adlaw, lakip ang tulo ka gidudahang nalambigit sa iligal nga droga ug tulo ka wanted person.
Sa Talakag, nadakpan ang 21-anyos nga bag-ong nailhang drug personality ug narekober ang duha ka gramo nga gidudahang shabu. Sa Valencia City, nadakpan ang 24-anyos nga alyas “Small” ug nakuha ang 6.3 gramos nga shabu, samtang sa Kalilangan, 6.81 gramos nga shabu, 0.78 gramos nga marijuana ug usa ka kalibre .45 nga pistola ang nasakmit sa implementasyon sa search warrant.
Lakip usab sa nadakpan ang usa ka 62-anyos sa Kadingilan tungod sa paglapas sa RA 9262, usa ka 59-anyos sa Malaybalay tungod sa grave threats ug discharge of firearm, ug usa ka 23-anyos sa Maramag nga giatubang ang kaso ubos sa RA 9165.