5 patay human giatake og drone sa Russia ang tren sa Ukraine

Patay ang lima ka tawo human sa drone strike sa Russia nga miigo sa usa ka pampasaherong tren sa Ukraine.

Gibanabanaang 300 ka pasahero ang sakay sa tren nga naa sa Kharkiv region sa dihang nahitabo ang pag-atake.

Kadaghanan sa mga sakay niini mga Ukrainian nga padulong unta sa pagbisita sa mga sundalo nga naa sa front lines nga nakigbatok sa Russia.

Gihulagway ni Ukraine President Volodymyr Zelensky ang maong pag-atake isip usa ka porma sa terorismo.

Sa miaging mga pag-atake, kasagaran nga ginatarget sa Russia ang mga riles sa tren, ug karon pa lang sila miigo og pampasaherong tren.