Gipakusgan sa 4th Civil-Military Operations Kasaligan Battalion sa Philippine Army ang pagpakig-uban sa mga eskwelahan ug sektor sa komunidad aron mapugngan ang recruitment sa mga estudyante ngadto sa mga armadong grupo.
Matud ni Lieutenant Colonel Tony C. Bugawan, commanding officer sa 4th CMO Kasaligan Battalion, kabahin sa ilang buluhaton ang pagpalig-on sa relasyon tali sa militar ug sibilyan, lakip na ang pag-edukar sa mga estudyante bahin sa mga risgo sa recruitment.
Matud pa ni Bugawan, importante usab ang maayong relasyon tali sa militar ug mga sibilyan aron mapadayon ang pagsinabtanay ug kooperasyon sa komunidad.
Gipasabot niini nga ang ilang yunit nakigtambayayong sa lokal nga mga panggamhanan ug ubang ahensya isip kabahin sa sustainment operations sa militar.