Malampusong nadakpan sa mga otoridad ang usa ka lalaki nga Adunay warrant of arrest sa kasong two counts sa attempted homicide niadtong Abril 9, 2026, takna alas-2:44 sa hapon sa Purok 3, Barangay San Isidro, Kitaotao.
Ang operasyon gipangulohan sa Kitaotao Municipal Police Station ubos ni PMAJ Jose Regner M. Sevilleno, kinsa nakig-alayon sa Bukidnon 2nd Provincial Mobile Force Company ug Bukidnon Intelligence Unit.
Ang nadakpan nailang si Reygie Cabatuan Gastador, 32-anyos, ulitawo, ug residente sa Purok 6, Sitio Vito sa maong barangay.
Girekomenda sa korte ang piyansa nga mobalor og ₱18,000 alang sa matag ihap sa maong krimen.
Sa pagkakaron, ang dinakpan anaa na sa kustodiya sa Kitaotao Municipal Police Station alang sa tukmang dokumentasyon ug disposisyon.