2 ka tren nagbangga sa Poland; 2 angol!

Duha ka tren sa pasahero ang nagbangga duol sa Bialosliwie sa kasadpang bahin sa Poland, diin duha ka tawo ang nasamdan.

Sumala sa tigpamaba sa bombero nga si Pawel Rykowski, ang usa ka tren gikan sa Kolobrzeg paingon sa Warsaw East Station, samtang ang usa pa gikan sa Pila paingon sa Bydgoszcz.

Nahitabo ang aksidente alas 6:04 sa gabii, oras sa Poland, ug gibanabana nga 200 ka pasahero ang sakay sa duha ka tren sa dihang nahitabo ang bangga.

Nagpakita sa mga video sa social media ang mga pasahero nga naa sa riles samtang pipila ka bagon ang nadiskaril tungod sa kusog nga pagbangga.

Giimbestigahan pa sa mga awtoridad ang hinungdan sa maong aksidente.