Gibatikos sa mga eksperto sa balaod ang sugyot nga paubsan ang kriminal nga responsibilidad sa kabataan nga nagbuhat og krimen.
Kini nga gisupak sa usa ka international lawyer ang mga panawagan nga ipaubos ang age of criminal liability sa nasud taliwala sa nahitabong trahedya sa pagpamusil sa usa ka tunghaan sa Tacloban City.
Sa pakighinabi sa Bombo Radyo Malaybalay kay Atty. Tony Laviña usa ka international lawyer, iyang gipahayag nga dili ang kasamtangang Juvenile Justice and Welfare Act ang rason sa problema kondili ang pagbalhin sa tinuod nga isyu.
Dugang pa niini, maayo ug epektibo ang maong balaod tungod ginalikayan niini nga isagol ang mga minor de edad sa mga hardened criminals sa prisohan, ug gihatagan sila og tsansa nga mareporma pinaagi sa restorative justice ug rehabilitation programs.
Samtang hugot usab nga gipadayag ni Atty. Oscar “Oca” Moreno nga ang pagpaubos sa minimum age of criminal responsibility dili angay mahimong bugtong tubag sa nagkadaghang krimen nga nalambigit ang mga menor de edad.
Matud sa kanhi kongresista ug propesor sa balaod, mas angay nga tutokan sa gobyerno ang pagpalig-on sa rehabilitative ug restorative justice system nga gituyo sa Juvenile Justice and Welfare Act o RA 9344.
Dugang pa ni Moreno, ang pagpanalipod ug pag-edukar sa kabataan usa ka hiniusang katungdanan sa tanang sektor sa katilingban