16 ka mga abogado gikan sa Fortun Narvasa ug Salazar law firm ang nagpaila isip legal team ni VP Sara Duterte alang sa iyang impeachment trial. Pormal nga gisumite ang entry of appearance kagahapon, Hunyo 16, 2025, pasado alas 5:03 sa hapon, sumala sa kumpirmasyon ni Atty. Reginald Tongol, tigpamaba sa Impeachment Court.
Samtang wala pay opisyal nga pamahayag gikan kang VP Sara Duterte bahin sa bag-ong hugna sa proseso sa impeachment.Kahinumduman nga na-impeach adtong Pebrero 5 si Duterte human nga 215 ka mga magbabalaod sa ubos balay balaoranan nag file ug nagperma sa ika-upat nga reklamo batok kaniya sa sayop matud pa nga paggamit sa confidential funds sulod sa Office of the Vice President ug Department of Education.
Giakusahan usab kini sa paghulga batok nila Pangulong Ferdinand Marcos Jr., First Lady Liza Araneta-Marcos, ug House Speaker Ferdinand Martin Romualdez kalabot na sa impeachment complaint ug lain pang uban nga mga reklamo.Adtong June 10 nagconvene ang Senado isip impeachment court.Diin 18 ka senator-judges mibotar sa mosyon nga giintroduce ni Senator-Judge Alan Peter Cayetano, nga ipabalik ang articles of impeachment batok kang Vice President sa ubos balay balaoranan