Nasikop ang 15 ka wanted persons sa kasong carnapping. Kini ang kalampusan nga namugna sa Highway Patrol Group sa Bukidnon lakip ang pagrekober sa mga carnapped vehicles ug pagka-aresto sa pipila ka mga dagkong personalidad luyo sa maong krimen.
Matud ni Surki Alday Sereñas, Provincial Chief sa Highway Patrol Group Bukidnon, narekober sa grupo ang 13 ka motor vehicles ning syudad sa Malaybalay ug gisulti niini nga lakip sa maong kalampusan ang pag-aresto sa kinse (15) ka wanted persons diin tulo (3) niini ang giingong most wanted sa kasong carnapping.
Subay sa maong kalampusan, gisaysay niini nga mikunhod matud pa ang kaso sa carnapping sa Bukidnon sa tuig 2025 tandi sa mga milabay pang mga katuigan. Gikan sa 18 ka carnappping incidents nga natala niadtong 2024 minaog kini sa 13 sa tuig 2025.
Gipaambit usab niini nga usa sa ilang inisyatiba ang pagbalik sa mga carnapped vehicles ngadto sa mga tag-iya niini.
Hugot usab ang pagbantay ug pagmonitor sa ilang buhatan kabin sa susamang krimen, diin gipasigarbo niini nga ana sa 93% ang efficiency sa Highway Patrol Group Bukidnon sa paghatag og pagtagad sa maong isyu.