Nagpakita og maleta si Rep. Terry Ridon may kalabutan sa mga alegasyon sa isyu sa flood control projects diin giapil siya sa mga giingong nakadawat og “maleta nga puno og kwarta.”
Sa usa ka forum, iyang gipakita pa ang usa ka maleta nga wala’y kwarta kundi puno lamang og mangga ug peluka, isip tubag sa mga akusasyon ug aron ipakita nga peke ang mga testimonya batok kaniya.
Matud ni Ridon, padayon ang House Prosecution Panel sa pag-andam alang sa impeachment trial batok kang Vice President Sara Duterte, bisan pa sa mga alegasyon nga giingong fabricated ang mga testimonya sa Senate Blue Ribbon Committee.
Gipakita usab niya nga andam ang Kamara sa pagpresentar sa mga ebidensya gikan sa AMLC, NBI, ug uban pang dokumento ug video nga may kalabotan sa kaso.
Samtang, gipahigayon na usab sa kampo sa Bise Presidente ang ilang pormal nga tubag sa Articles of Impeachment, diin ilang giingon nga adunay depekto ang reklamo ug posible nga milapas sa gahum sa Kamara ang proseso.
Bisan pa niini, nagbarog ang House Prosecution Panel nga ipadayon ang impeachment proceedings ug gilauman nga masugdan ang trial sa Hulyo.