Gipanghimakak sa Katolikong pari ug human rights activist nga si Fr. Flaviano Villanueva ang mga akusasyon sa mga nagpa-ilang kanhi sundalo nga nakadawat siya og kickbacks gikan sa mga flood control projects atol sa Senate Blue Ribbon Committee niadtong Huwebes, Hunyo 4.
Sa ilang testimonya, giakusahan nila si Fr. Flavie nga nakadawat matud pa og sobre nga adunay kuwarta duol sa simbahan sa Mindanao Avenue sa Quezon City.
Dugang pa usab nga nakadawat siya og maleta nga puno sa kuwarta nga gipadala sa adres nga gitumbok nga “33 Clemente.”
Kahinumduman, nga si Fr. Flavie usa ka kusog nga kritiko sa kampanya batok sa ilegal nga droga ni kanhing Presidente Rodrigo Duterte.
Lakip usab siya sa mga nagsang-at og reklamong plunder batok kang Vice President Sara Duterte niadtong Disyembre 2025.