Opisyal nga giila sa Guinness World Records ang usa ka 78-anyos nga lola gikan sa Scotland nga si Cath Bowie ingon nga oldest female Fortnite streamer sa online platform nga Twitch.
Si Bowie, nga mas nailhan sa iyang gamer tag nga “grumpygran1948”, nagsugod sa pagdula og Fortnite niadtong 2017 human niya makita ang iyang apo nga nagdula niini. Sa kasamtangan, adunay na kini kapin 24,000 ka mga sumusunod sa iyang channel diin regular siyang nagdula ug nag-stream sulod sa pipila ka oras matag adlaw.
Gipahayag ni Bowie nga usa ka dako nga dungog ang maong pag-ila diin nalakip kini sa Guinness World Records Gamer’s Edition 2027. Naglaum usab ang lola nga makapadasig ang iyang kasinatian nga dili babag ang pangidaron aron malingaw sa kalibutan sa gaming.