Nakatingkagol na karon sa selda sa kapulisan ang usa ka 53-anyos nga babaye human kini isilbihi og warrant of arrest tungod sa kasong child abuse niadtong Hunyo 24 sa hapon.
Matud sa Malaybalay City Police Station, giila ang nadakpan nga si Zenaida Avila Bagamaspad, minyo ug lumolupyo sa Barangay Linabo, niining dakbayan. Nasikop ang suspek pinaagi sa hiniusang operasyon sa kapulisan ug mga intelligence units didto sa Barangay 9 human kini nakagawas gikan sa maong tambalanan.
Giserbisyohan si Bagamaspad sa iyang warrant tungod sa paglapas sa Section 10 sa Republic Act 7610 o ang Special Protection of Children Against Abuse, Exploitation and Discrimination Act. Giduso sa korte ang piyansa nga nagkantidad og P80,000 alang sa iyang temporaryong kagawasan, samtang giandam na ang mga dokumento alang sa pag-atubang sa iyang kaso.