Pakyas sa pagtambong si Vice President Sara Duterte sa unang adlaw sa iyang impeachment trial sa Senado apan anaa ang 15 ka miyembro sa iyang legal defense team nga mipasaka sa ilang entry of appearance.
Matud ni Atty. Michael Poa, ang wala pagtambong sa Bise Presidente wala nagpasabot nga dili na siya motambong sa umaabot nga mga pagdungog, tungod kay andam gihapon siyang moatubang sa proseso depende sa ilang legal nga estratehiya ug sa dagan sa impeachment proceedings.
Samtang, gibutyag ni Vice President Sara Duterte nga walay bili ang opinyon ni Pangulong Ferdinand Marcos Jr. bahin sa iyang impeachment trial ug gipunitng niini nga ang proseso kinahanglan magbasi sa Konstitusyon ug due process.
Matud ni Duterte, katungod niyang mopili kung personal ba siyang motambong sa impeachment court o paagi sa iyang mga abogado isip kabahin sa ilang legal nga estratehiya.
Sa pikas bahin, mitaas usab ang tensiyon sa pagsugod sa impeachment trial ni Vice President Sara Duterte human magbinayloay og argumento si House Lead Prosecutor Representative Gerville Luistro ug Defense Lead Counsel Atty. Sheila Sison bahin sa mga isyung pangproseso.
Gipangayo ni Atty. Sheila Sison, legal counsel ni Vice President Sara Duterte, ang klaripikasyon kon ang gihimong mosyon sa House prosecution ba nagpasabot na sa pormal nga arraignment sa respondent.
Apan gitubag ni House Lead Prosecutor Rep. Gerville Luistro nga ang ilang gihangyo subay lamang sa mga lagda sa impeachment trial ug wala kini magdepende kon kini tawgon ba og arraignment o dili.