Gipili sa Senate Impeachment Court si Senador Francis Escudero isip presiding officer sa impeachment trial ni Vice President Sara Duterte pinaagi sa 12-8 nga boto gikan sa mga senator-judges nga mitambong sa unang adlaw sa pagdungog.
Sa wala pa ang botohan, gisupak ni Senador Alan Peter Cayetano ang maong nominasyon ug giingong si Senate President Sherwin Gatchalian ang angay nga molingkod isip presiding officer.
Bisan pa niini, napili gihapon si Escudero pinaagi sa mosyon ni Senador Panfilo Lacson.
Sa pagsugod sa impeachment trial, gibutyag usab ni Gatchalian nga obligasyon sa Senado ang pagdumala sa kaso nga patas, walay pinalabi, ug subay sa Konstitusyon ug sa mga ebidensyang ipresentar sa duha ka panig.
Sa pikas bahin, gikumpirma ni Senador Francis “Chiz” Escudero, nga kinahanglan ang dili moubos sa 16 ka boto sa mga senador aron mahukmang guilty si Bise Presidente Sara Duterte sa impeachment trial.