Misaka na ngadto sa 3,342 ang gidaghanon sa mga nakalas tungod sa duha ka nagsunod-sunod nga kusog nga linog nga niigo sa nasod sa Venezuela.
Base sa pinakabag-ong datos nga gipagawas sa ministeryo sa impormasyon sa Venezuela, milapas na usab sa 16,000 ka mga indibidwal ang naangol sa maong trahedya, samtang kapin sa 17,000 ka mga residente ang hingpit nga nawad-an og pinuy-anan human nangatumpag ang ilang mga balay ug edipisyo.
Samtang, gidepensahan ni interim President Delcy Rodriguez ang mga gihimong aksyon sa ilang kagamhanan taliwala sa nagkadakong kasuko sa publiko tungod sa giingong nalangan ug kakuwang sa pagresponde sa sakuna. Sumala ni Rodriguez, nagpadala na sila og dugang mga sundalo ug nagtukod og bag-ong yunit sa militar aron mas mapaspas ang pagtabang sa mga biktima ug ang pagpanglimpyo sa mga naguba nga dapit.