Gikuwestiyon ni Senator-Judge Erwin Tulfo si Office of the Vice President Assistant Secretary Lemuel Ortonio kung wala ba kini’y bisan gamay nga pagduhaduha sa mga dokumentong iyang gipirmahan, ilabina sa mga kuwestiyonableng acknowledgment receipts nga gisumite ni Security Officer Col. Dante Lachica.
Gitin-aw ni Ortonio nga ang iyang mga aksyon ug desisyon gibase lamang sa mga dokumentong gipresentar kaniya, samtang ang mga tubag sa mga obserbasyon sa Commission on Audit o COA gihatag usab sa Vice President Sara Duterte alang sa iyang review ug final approval.
Samtang, gipunting ni Senator-Judge Panfilo “Ping” Lacson ang giingong “copy-paste” nga mga programa sa OVP alang sa regular ug confidential funds sa 2022 ug 2023.
Matud ni Lacson, halos pareho ang mga kalihokan ug descriptions sa physical and financial plan nga gisumite sa OVP ngadto sa Department of Budget and Management, bisan pa nga lahi ang mga programa.