Gigisa og pangutana sa mga Senator-Judges ang ikaduhang hostile witness nga si Office of the Vice President Assistant Chief of Staff Lemuel Ortonio atol sa ika-19 nga adlaw sa impeachment trial batok kang Vice President Sara Duterte.
Gikuwestyon ni Senator-Judge Francis “Kiko” Pangilinan kung normal ba ang paggasto og dul-an P122 milyon sulod sa siyam ka bulan alang sa mga tambal nga giingong gibayad ngadto sa mga informant isip kabahin sa confidential operations sa OVP.
Gipunting usab ni Pangilinan nga mahimo man unta si Ortonio nga mangayo og clearance aron masusi ang mga dokumento ug matubag sa hustong paagi ang mga obserbasyon sa COA.
Samtang, gipangutana usab ni Senator-Judge Raffy Tulfo si Ortonio kung nganong wala niya gikuwestyon si Col. Raymond Lachica bahin sa mga dokumento ug paggamit sa milyon-milyong pondo alang sa mga informant.