Gipanganlan ni Ramil Madriaga ang pipila ka mga dagkong opisyal sa Office of the Ombudsman nga nakadawat og confidential funds.
Pinaagi sa ‘supplemental affidavit’ niini, direktang gitudlo ni Madriaga si Ombudsman Samuel Martires ug Assistant Special Prosecutor Ryan Rey Quilala nga nakadawat kini og kwarta ubos sa kamanduan nila ni Bise Presidente Sara Duterte ug kanhi Presidente Rodrigo Duterte.
Gipadayag niini, nga nahurot matud pa og gasto ang Php 125 milyones nga confidential funds sulod lamang sa 24 ka oras niadtong tuig 2022, diin kini mismo ang nag-apod-apod sa maong kantidad.
Sukwahi sa unang migawas nga impormasyon sa ubang mga pagdungog diin giingon nga mikabat og 11 ka adlaw una nahurot ang maong pondo.
Dugang pa ni Ramil nga wala kini gipugos o nangayo og bisan unsa nga bugti sa iyang paghimo sa supplemental affidavit alang sa impeachment hearing ni Bise Presidente Sara Duterte sa House Committee on Justice.