Giklaro ni governance ug public policy professor Dr. Ederson Tapia nga ang gikinahanglang boto alang sa pagkambikto ni Vice President Sara Duterte dili awtomatikong 16, tungod kay mahimong mausab ang denominator depende sa aktuwal nga mga senador nga mahimong moapil sa pagboto.
Matud ni Tapia, nagkahiusa ang tulo sa upat ka retiradong mahistrado sa Korte Suprema sa pag-ingon nga ang two-thirds requirement dili pirming katumbas sa 16 ka boto.
Dugang pa ni Tapia, importante nga masabtan sa publiko nga ang requirement nga two-thirds alang sa conviction sa impeachment dili nagpasabot nga pirming 16 ang gikinahanglang boto.
Gihisgutan usab niini ang sitwasyon sa mga senador nga wala sa ilang katungdanan o dili makaapil sa pagboto, nga mahimong makaapekto sa ihap nga gamiton isip denominator.