Giakusahan ni House Committee on Public Accounts at Bicol Saro Partylist Rep. Terry Ridon si Vice President Sara Duterte sa pagpanglimbong sa Supreme Court ug sa publiko bahin sa iyang petisyon nga ipahunong ang impeachment proceedings sa Kamarabaha batok kaniya.
Sumala ni Ridon nga ang petisyon nakabase sa sayop nga pagpresentar sa mga kamatuoran ug sayup nga interpretasyon sa Konstitusyon ug naglungtad nga jurisprudence.
Gipunting sa kongresista nga husto ang gihimo sa plenaryo sa Kamarabaha, ang referral sa upat ka impeachment complaint niadtong Pebrero 23, 2026, ug dili kini aksyon lamang sa liderato o komite.
Gipanghimakak usab ni Ridon ang pahayag nga kinahanglan ang deliberasyon sa wala pa ang referral, gumikan walay ingon niini nga rekisito sa Konstitusyon, House rules, o sa naglungtad nga desisyon sa korte.
Wala usab misupak o mihangyo og deliberasyon gikan sa mga mambabalaod sa nasangpit nga sesyon.
Subay sa one-year bar rule, sigon ni Ridon nga walay paglapas niini gumikan usa lamang nga valid referral ang natala.
Dugang pa niini, nga adunay igong basehan sa balaod ang mga lakang sa House Committee on Justice, lakip ang pagdungog ug pagkolekta sa ebidensya.
Bisan pa sa petisyon, gisaad ni Ridon nga magpadayon ang Kamarabaha sa proseso sa impeachment.