Usa ang namatay samtang usa angol sa duha ka managlahing aksidente sa dalan nga natala sa Maramag ug Kibawe, Bukidnon niadtong milabay’ang adlaw.
Patay ang 29-anyos nga drayber sa Honda XRM motorcycle human maaksidente sa Purok 7, Barangay Kiharong, Maramag City pasado alas-10 sa gabii niadtong Nobyembre 18.
Gidala pa kini sa Bukidnon Provincial Hospital–Maramag apan gideklarang dead on arrival tungod sa samad sa ulo.
Samtang, angol ang 55-anyos nga drayber sa Yamaha motorcycle human mabangga sa usa ka Suzuki utility vehicle atubangan sa Kibawe Public Cemetery sa Barangay West Kibawe pasado alas-1:40 sa hapon kagahapong adlawa.
Gidala ang biktima sa Bukidnon Provincial Hospital–Kibawe diin nagpabilin na karong stable apan naka-confine tungod sa mga samad sa ulo ug lawas.
Base sa imbestigasyon sa kapulisan, gidala sa Kibawe Municipal Police Station ang duha ka sakyanan alang sa dugang nga imbestigasyon. Base sa taho, wala usab makapakita og rehistro ug lisensya sa pagmaneho ang drayber sa motorsiklo.

