- Advertisement -
Giatake sa 23-anyos nga lalaki ang 65-anyos nga biktima ug gitigbas kini sa Sitio San Isidro, Brgy. Adtuyon, Pangantucan alas 3:30 sa kaadlawon, Pebrero 15, 2026, hinungdan nga naangol kini sa nagkadaiyang parte sa lawas.
Sumala sa Bukidnon Police Provincial Office, nagbantay sa disco activity ang biktima ug gisita ang suspek tungod sa kahubog ug kagubot, nga misangpot sa lalis. Sa pagpauli sa biktima, kalit siyang gisundan ug gitigbas gamit ang sundang.
Gidala dayon ang biktima sa balay tambalanan alang sa pagpaalim. Alas 8:15 sa buntag, boluntaryong mitahan ang suspek sa Pangantucan Municipal Police Station ug karon anaa na sa kustodiya samtang nagpadayon ang imbestigasyon.
- Advertisement -