HomeLocal NewsUsa ka mag-uuma, nakaplagang patay sa Impasug-ong

Usa ka mag-uuma, nakaplagang patay sa Impasug-ong

- Advertisement -

Nakaplagang wala nay kinabuhi ang usa ka 49-anyos nga mag-uuma sulod sa iyang umahan sa Sitio Bundaan, Barangay Dumalaguing, Impasug-ong, Bukidnon, pasado alas 11:00 sa gabii niadtong milabay’ng adlaw.

Sumala sa inisyal nga imbestigasyon, milakaw ang biktima gikan sa ilang panimalay pasado alas 9:00 sa buntag aron moadto sa umahan apan wala na kini makapauli. Tungod niini, gisubay siya sa iyang asawa ug didto nadiskobrehan nga patay na kini.

Sa pag-abot sa mga pulis, nakita ang samad sa ulo sa biktima nga posibleng may kalabotan sa iyang pagkamatay. Wala usab matumbok nga mga saksi sa insidente tungod kay layo ang pinuy-anan sa mga silingan gikan sa maong umahan.

- Advertisement -

Sa pagkakaron nagpadayon ang imbestigasyon sa Impasug-ong Municipal Police Station aron mahibal-an ang hinungdan sa pagkamatay sa biktima ug mailhan kung adunay responsable sa maong insidente.

- Advertisement -
RELATED ARTICLES
- Advertisment -

MORE NEWS