Giguba sa militar sa Estados Unidos ang lima ka oil tanker sa Iran human giatake og ballistic missile sa Islamic Revolutionary Guard Corps ang usa ka US Navy warship sa milabay nga duha ka adlaw.
Subay sa pahibalo sa US Central Command (CENTCOM), nakasagang ug nakalikay sa maong pag-atake ang warship sa Amerika ug walay bisan kinsang sundalong Amerikano ang nasamdan. Gipalayo ug gipa-evacuate usab ang tanang crew sa maong mga tanker nga nahimutang sa Gulf of Oman ug duol sa Kharg Island sa wala pa kini hingpit nga giguba.
Gipahayag ni US Secretary of State Marco Rubio nga padayon nilang gub-on ang mga tanker sa Iran kon mosulay kini sa pag-atake sa mga barkong panggubat sa US. Sa pikas nga bahin, nagbahad usab ang Iran nga atakehon ang mga base militar sa Amerika sa maong rehiyon ingon man ang mga tanker sa mga nasod nga alyado sa Estados Unidos sama sa Kuwait ug Bahrain.