Gihandom ni Kim “Kuya Kim” Atienza ang ika-20 nga adlawng natawhan sa mitaliwan na nga anak nga si Emman Atienza, nga gisaulog karong adlwa, Pebrero 8, 2026.
Pinaagi sa pagpaambit og mga throwback video ug hulagway sa social media, gihandom sa amahan ang pamaagi sa kinabuhi sa anak niini kaniadto sa buhi pa.
Sa mensahe niini, gipadayag ang gugma ug kasubo, lakip ang paghinumdom sa mga malipayon nga higayon uban sa anak ug sa maayong impluwensya niini sa daghang tao.
Kahinumdoman nga si Emman, mitaliwan kaniadtong Oktubre 2025 sa edad nga 19, nailhan isip social media content creator ug mental health advocate.
Daghang netizens usab ang mipadayag sa kasubo ug suporta, nga nagpakita nga padayon nga buhi ang panumduman ug legasiya nga gibilin ni Emman Atienza.