Trump gikondena ang airstrike sa Israel sa Beirut ug namugos nga duol na ang kasabutan alang sa kalinaw

Gikondena ni US President Donald Trump ang gihimong pagpangatake o airstrike sa Israel didto sa lungsod sa Beirut, Lebanon.

Taliwala sa maong hitabo, namugos gihapon si Trump nga nagpabiling “duol” ug dako gihapon ang tsansa nga makab-ot ang usa ka kasabutan alang sa kalinaw sa maong rehiyon. Gidugang pa niini nga bisan pa man sa nagakahitabong kapintasan ug tensyon, naglaum siya nga ang nagpadayong mga negosasyon magmalamposon aron mapahunong na ang maong giyera.